Nino Cuzzucoli

Sta chjazza jinchiva,
o paisi vecchju si meriva.
I so capiddi janchi,
i so palòri mai stanchi.

Nascìu a tempi tristi,
lavuru e onestà i so pisti.
I figghjolu nt’e giardini,
p’a genti sul’i restatini.

Vita sensa suli e luci,
cuntava ch’i so palòri duci.
Quand’i ricchi patruni,
pi rendita erinu putruni.

Cangia a so vita,
c’a signura Mena si marita.
Nti sta chjazza stesiru,
galipatezzi ndi desiru.

A famigghja si ngrandisci,
tri jorna i suli brisci.
Micu,Angila e Giuvanni,
lavurandu tutt’i so anni.

E quando turnava stancu,
a chjazza tiniva bancu.
Cu me patri e me zzi Turi,
giuiusi furu ddi uri.

E si ssi sintiva a so vuci,
a signura Mena era lesta e duci.
Subbitu rassicuranti:
Mena,sul’a me vuci è tronanti.

D’animu gentili e di cori,
rricch’i e ver’i so palòri.
C’a signura Mena ora riposa,
a chjazza sulagna non è cosa.