Caminandu supra li petri

O petri rutti
e tutti sgargiati
a ogni passu nu morzu
di pedi vui mi sciuppati,

scartu la spina e nc'è la sipala,
na rrama cotta o n'errama pittara
ppòggiu lu pedi e quasi jastimu,
ma vaju avanti ancora caminu.. !!

Mulettera maligna, senteru stìmpatu
di tia mi sperdu dopu passatu,
ma tu rresti ccà a soffriri
e a vidiri comu lu tempu ti faci ciangiri.

Di tia prestu si sperdi lu viandanti
e lu pecuraru ti mpàja avanti,
a morzu a morzu comu li me pedi
a undi frani e a undi cedi,

simenzi di ghenetra e di lifraci;
cu sipali, spolassi e camburinaci
a pocu a pocu ti pigghjànu lu locu
finu a quandu non scumpari propiu .......

(Carmelo Maesano)