NATALE

Nudda porta,
a Maria cunorta.
Peppi si lattarija,
a strata i currija.

Peppi bbuci jetta,
a Lampidusa spetta.
Maria sbilùta,
di lagrimi ciangiuta.

Fujru i verra e fami,
i stu mundu nfami.
Cu si unchja e si bbutta,
cu a mmari i mbutta.

Peppi bbuci jetta,
a Lampidusa spetta.
Su carcirati,
sensa riati.

Pi cuverta nu cartuni,
u marciapedi non è spiuni.
Nt’e città lucenti,
a povirtà non si senti.

Peppi bbuci jetta,
a Rriggiu aundi si ssetta.
Da Sbarra a l’Archi Ceppi,
Maria asilu no ndeppi.

Santu Luca pati,
cu Africu bbandunati.
Jàpriti duru cori,
o a menti umana mori.

Peppi bbuci jetta,
nuddu nci duna rretta.
Maria sapi ch’esti ura,
mi nasci a criatura.

Na stadda na pagghja,
u friddu i tagghja.
I nu sceccu e nu boi,
u caluri soi.

U Bambinu nascìu,
a cometa nci lucìu.
I so palòri novi,
e cori e menti smovi.

E’ Gesù Bambinu,
d’amuri chinu.
Japrimuli sti cori,
a spiransa mai mori.