Roccaforti

Roccaforti,
è supra dù spuntuni
chi dominanu jumari e non gaddhùni
segui l'acqua lucenti e rrivi a lu mari
di tanta bellizza l'occhio si poti sulu scjalari

sfioranu lu cielu li arti muntagni
duci e amari sunnu li valli
andu schicci aundi chjanuri
e boschi fitti chi no li percia lu suli

ma sutta l' umbra di zzàppini e faghi
branchi di lupa e di cinghiali
lepuri e ghurpi sannu à mmucciari
chi rapini e bizzacchi li stannu a cercari

cala lu scuru sull'asprumunti
e ogni stidda pari diamanti
nchjana la luna cu lu pecuraru
e li crapetti chi jocanu paru..

pari nu mundu mbentatu
ma cu lu vidi resta ncantatu..
cu nasciu a ccà poti viaggiari
ma lu cori d'arretu non si poti portari

maru cu sebbì a lluntanari
la sò anima lu cundanna chi ndavi a tornari... ( Carmelo Maesano )