Cala hjumara

    Parti dundi nasci,
    o mari pasci.
    Scindi e si ntrubbulija,
    chi trova rotija.

    Quandu si nnazza,
    a so fruria non è fazza.
    A so grida para,
    e torti ripara.

    A ffendinu i lorduni,
    e i nostri cumuni.
    Rrozzula cupirtuni,
    prastica e biduni.

    U ponti i Pilati,
    si ricorda i so gridati.
    Chiddu i Prunedda,
    ballau sensa ciaramedda.

    Cu potti si spirdìu,
    i ddu randi pizzìu.
    Aund’erinu giardini,
    casi a nseni fini.

    Stupparu jadduni,
    e tu, Signuri, ndi pirduni.
    Sutta e faddi,
    i casi su jaddi.

    I cu si voli cuntu,
    si ssimu a stu puntu.
    Poi, nu sulu mputatu,
    nui no! Sul’o statu.