ARBIRI

    A campagna sulagna,
    i mbernu si sparagna.
    Dormi u lintiscu,
    i stati u so friscu.

    A ginnaru si para,
    hjuruta mmendulara.
    Janca e rosa i so vesti,
    i mbernu i so festi.

    Tutta ntorcinijata,
    a ficara spogghjata.
    A livara argentata,
    duna livi a macinata.

    A viti,sensa fogghji,
    i duna pi scarfogghji.
    A susinara bruna,
    i nenti si dduna.

    A nespulara a rappiceddi,
    i so sapuriti frutticeddi.
    A robbinia nuda,
    i friddu non suda.

    U liandru ntroffatu,
    si ripara ntrizzatu.
    U cezzu rrussicatu,
    spetta mbisiccatu.

    U carrubbu ndurutu,
    è sempri vistutu.
    Ora,i mbernu disìu,
    cu sapi chi viu.

    U rugulu urdu,
    non senti,è surdu.

    Na ficara mmantata,
    i niru schizziata,
    I so frutti sapuriti,
    mbernitichi cogghjiti.