STRATI

Longhi e curti,
nti nui ti nzurti.
Si vai ncurtituri,
i trovi pi favuri.

A vita ndav’i soi,
cu nchjanati s’i poi.
Carchi scinduta,
dassam’a curruta.

Nci su i strati i paisi,
chi mai su beni misi.
A sanfasò ripezzati,
cu fossi e buca pizziati.

Sissi faci nu lavuru,
i buca su com’o scuru.
Ditti e ognunu i nui,
sensa cuntrolli di cui.

Sta pulitica è n’arti,
pi sti niputi i bonaparti.
Na pinsata ntiliggenti,
di Cumuni previdenti.

Ch’i strati muletteri,
si crìa lavuru i tanti maneri.
Pi gummista e carrozzeri,
e pi ddi mari pomperi.

E puru pi l’abbucati,
cusi pi danni causati.
E, a ssicurazzioni puru,
cria assai lavuru.

Bella sta mbenzioni,
di nostri mministrazzioni.
U cuntu è n’illusioni,
pensa u fissa i Pantaloni.

U mundu si sbarrua,
si cunorta pi sta rua.
Sta pulitica è na scensa,
centu faci e nudda pensa.