Paroli duci

Pedi leggeru chi
ntèrra non tòcchi,
sfiori la strata
e pisti non dassi.

Delicata e graziusa
sì comu a na rosa
chi danza a lu ventu
comu velu di sposa;

Occhjì non'aju cchjù
pè mi ti guardu,
puru la notti
ti viu e mi cardu.

Patu la fami
e puru la siti,
ma non patu l'assenza
di stì occhjùzzi puliti.

Voliva mi sacciu
paroli duci,
mi ti li scrivu o mi
cantu,cu amurusa vuci,
ma non sugnu poeta e
mancu cantanti,
sugnu artista ntà atri campi,
unu di chisti è forzi l'amuri
perchì pe ttià sentu milli premuri,
sentu la vita e lu cori tremari
si di la tò bucca,
cu ttònu d'amuri, lu mè nomi sentu chiamari... 

(Carmelo Maesano )