CADIU A CRUCI

Da ‘Lati nchjanai,
l’occhi jazzai.
Ristai,
a cruci non truvai.

Cadìu a cruci,
nti stu paisi cucicuci.
Nuddu a dduci,
sensa scrusciu sta nuci.

A turri,ora è muzza,
nuddu si mbuzza.
A turri pi pocu teni,
a nuddu ndi sovveni.

A turri,ancora si fida,
cu senti a so grida?
A nostra storia,
resta sensa mimoria.

Cadìu a cruci,
debbuli a me vuci.
Virgogna mutuperia,
dici a me palora feria.

Nterra ntorcinijata,
a cruci rruggiata.
Si lattarija u rianàci,
cadìu a cruci,signu i paci.

O cimiteru i mari morti,
nu lamentu pi sti torti.
Fora i machini su tanti,
nuddu vidi a turri vacanti.

Nti sta ntica turri,
p’i Saracini si curri.
O trentacincu sta cruci,
i don Arcudi è sign’i luci.

U Cumuni oji e ajeri,
a tutti nui ndi meri.
Nti stu mbernu,
i me palòri su a ndernu.

E' a cruci sutta du cimiteru vecchju