Partenza

Si parti dumani,
cu na rigetta e mani.
Pi nchjanari,
migranti i curari.

A me terra latrijata,
ndi dassa strata strata.
Suli,
com’e muli.

A me terra robbata,
e ndranghitijata.
Suli ndi dassa,
e so figghji rrassa.

E sordi nci vonnu,
o viaggi ndi ponnu.
Pi mangiari e durmiri,
parenti e amici su i duviri.

Carn’i porcu fu fattu,
a sanità nu misfattu.
A pulitica d’i cumpari,
si ngrassaru pari pari.

Dopu sti mpicci,
nci vonnu tavuli massicci.
Tagghjanu paru,
e u cuntu,p’i fissa,è caru.

E medici bravi,
dassinu ch’i bavi.
Pochi nfermeri,
e l’aspi spraudèri.

Dirigenti e diritturi,
devoti e sensa russuri.
A saluti è nu favuri,
i politicanti sunnu sicuri.

Si parti dumani,
cu na rigetta e mani.