N’acquazzina,
scindi fina fina.
Mpastata i rrina,
da Libbia marina.
Acquicedda divina,
umili e sensa spina.
Cangia calatura,
u celu si mpastura.
Stu sciroccu,
d’umitu mi ncroccu.
Percia na spericedda,
u suli na lumeredda.
Fogghji pirduti,
nterra caduti.
Pi catrama e cimentu,
non su nutrimentu.
Du celu na nzinga,
com’è mai mi sdinga.
A palora na singa,
gira raminga.
Nuddu cchiù nzerta,
a vintura ch’è sperta.
U celu na cuverta,
sta terra scuncerta.
0 Commenti