Spera di suli

Celu niggru
di luntanu ti guardu,
di bbònu tempu dassi
pocu spiragghjù;

Sazziari na vota
mi voliva lu suli,
ma troppi nigghjàti
chi fannu umbraturi;

Cimitrusa boria
chi cuntraria ti voti
scjòrbi la vista
e tagghjì li jhàti,
mi pariva ca trovu
in tia speranza,
ma già porti li stìzzi
e la timpesta chi vanza;

Ora avissi mi trovu rriparu,
ma forzi è megghjù
non mi mi ppàru,
mi dassu lu ventu
mi mi rrimbùtta e
l'acqua mi percia
finu a lu robbu cchjù sutta;
lu tronu forti mi mi nzùrdi li ricchi
e lu lampu mi ghàmburia la menti e l'occhjì;

Tuttu di supra pè mi passa
e si non mi bbàtti rricordu mi dassa;
sulu così mi pozzu vantari
e cchjù assai lu suli
quandu nesci mi pozzu scjàlari... ....

(Carmelo Maesano)