Amuri

Scindi la notti ntà lu me cori
stù jornu passau senza premuri
di la finestra guardu stà luna
chi pari stingiuta e suspiri mi duna

na nuvula nira volissi mi rrìva
armenu la cùppa e non viu si ciangiva
votu la facci pè la lumera
chi fiacca e debuli faci la spera

vaju e mi settu vicinu a lu focu
ma non mi rriggettu non trovu locu
mi pisa la testa pè li tanti penseri
chi nn mi nzònnava mai prima di aieri

cu sapi si passa stà mala nottata
ma dopu purtroppu c'è natra jornata
Diu non mi t'offendi si non è graduta
ma chista mè vita la sentu perduta

tu si lu sulu chi mi poti sarvari
nessunu medicu mi poti curari
sulu chiddì occhjì mi ponnu resuscitari
si cu amuri e cu gioia mi tornanu a guardari.. (Carmelo Maesano)