Omertà

L’omertà: na servitù,
i nu tempu chiffu.
Sapi i muffa,
ancora truffa.

U forti a usa,
sapi e s’abbusa.
U debbuli si senti,
paga u so presenti.

A so vita risenti.
carcir’o morti i so venti.
Oji: droga e morti,
sordi dimòniu sta sorti.

A so vita risenti,
carcir’o morti i so venti.
Oji:pizzu a cu lavura,
e pati sta tortùra.

A so vita risenti,
carcir’o morti i so venti.
Oji:a so ddrittizza,
passa pi valentizza.

A so vita risenti,
carcir’o morti i so venti.
Erba non crisci,
e sta terra patisci.

A so vita risenti,
carcir’o morti i so venti.
U forti jetta sta lenza,
u debbuli cridi e non penza.

Omertà, leggi i morti,
aund’è scritta sta sorti?
Na sula leggi pisa e vali,
e ndi libbira i stu mali.

A nostra Costituzioni,
puntu fermu i libbirazioni.
Scritta cu sangu d’amuri,
pi l’Italia china d’onuri.